सोन्याची चैन घेण्यासाठी माहेरुन पैसे आण अशी मागणी करत विवाहितेचा छळ, पतीसह सासरच्या तीन जणांवर गुन्हा दाखल

पिंपरी चिंचवड :  सोन्याची चैन घेण्यासाठी माहेरुन पैसे आण अशी मागणी करत विवाहितेचा छळ केला. याप्रकरणी पतीसह, सासरे व दिर असे तीन जणांवर गुन्हा दाखल करण्यात आला आहे. गांधीनगर, देहूरोड येथे गुरुवारी (दि.24) हि घटना घडली.

पती रवी हनुमंत जाधव (वय 30), सासरे हनुमंत मल्हारी जाधव व दिर कुमार हनुमंत जाधव (सर्व रा. गांधीनगर, देहूरोड)अशी गुन्हा दाखल करण्यात आलेल्याची नावे आहेत.याप्रकरणी विवाहित महिलेनं देहूरोड पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, ‘कामावरून हाफ डे घेऊन आले का’ असे फिर्यादी पत्नीने पतीला विचारले, त्यावर तू माझ्या शंका घेते का’ असे पती म्हणाला. यावरुन पत्नीने मच्छर मारण्याचे औषध ऑल आऊटचे द्रावण पिले. उपचारासाठी तिला वायसीएम रुग्णालयात दाखल करण्यात आले. उपचारानंतर बरे झालेल्या महिलेकडे तिचे सासरे व दिर तुला काही काम येत नाही म्हणून तक्रार करु लागले. तसेच, सोन्याची चैन करण्यासाठी माहेरून पैसे आण अशी मागणी केली. शिवीगाळ करत त्यांनी महिलेला तुला नांदु देणार नाही म्हणत, शारीरिक व मानसिक छळ केला. याप्रकरणी पोलीस उपनिरीक्षक रामेकर अधिक तपास करत आहेत.

0 replies

Leave a Reply

Want to join the discussion?
Feel free to contribute!

Leave a Reply

Your email address will not be published.