जिल्ह्यातून तडीपार केलेल्या आरोपीला पिंपरी चिंचवड पोलिसांकडून अटक

पिंपरी चिंचवड :पुणे जिल्ह्यातून दोन वर्षांसाठी तडीपार केलेला आरोपी जिल्ह्याच्या हद्दीत कुठल्याही परवानगी शिवाय आला. त्यामुळे पोलिसांनी त्याला अटक करून त्याच्यावर प्रतिबंधात्मक कारवाई केली आहे.

स्वप्नील उर्फ भो-या प्रकाश घाडगे (वय 21, रा. म्हातोबानगर, वाकड) असे अटक केलेल्या आरोपीचे नाव आहे.

पोलिसांनी दिलेल्या माहितीनुसार, पिंपरी-चिंचवड पोलिसांनी आरोपी स्वप्नील याला 23 ऑक्टोबर 2020 रोजी दोन वर्षांसाठी पुणे जिल्ह्यातून तडीपार केले होते. तरीही आरोपी स्वप्नील शासनाची कोणतीही परवानगी न घेता शहरात आला. याबाबत पोलिसांना माहिती मिळाली. रविवारी दुपारी पावणे चार वाजताच्या सुमारास आरोपी स्वप्नील जगताप डेअरी ब्रिजखाली थांबला असल्याची माहिती गुन्हे शाखा युनिट चारच्या पोलिसांना मिळाली. त्यानुसार पोलिसांनी सापळा लावून स्वप्नील याला अटक केली. वाकड पोलीस तपास करीत आहेत.