उसने दिलेले पाच लाख रुपये परत मागितल्याच्या रागातून मित्रांच्या पत्नीचा विनयभंग

पुणे :  मित्राला उसने दिलेले पाच लाख रुपये परत मागितल्याचा राग आल्याने त्याने पत्नीचा विनयभंग केल्याचा प्रकार समोर आला आहे.हा प्रकार रविवारी (दि. १२) रोजी शिवाजीनगर येथील घारपुरे कॉलनी येथे दुपारच्या सुमारास घडला.याप्रकरणी शिवाजीनगर पोलीस ठाण्यात गुन्हा दाखल करण्यात आला आहे.

लॅबर्ट मार्टिन फर्नांडिस असे गुन्हा दाखल करण्यात आलेल्या आरोपीचे नाव आहे.याप्रकरणी 34 वर्षीय महिलेने फिर्याद दिली आहे.

पोलिसांनी दिलेल्या माहितीनुसार, आरोपी व फिर्यादी यांचे पती यांच्यात मैत्री आहे. फिर्यादी यांनी पतीच्या सांगण्यावरून त्याला पाच लाख रुपये हात उसने दिले होते. दोन वर्षांपूर्वी त्यांनी हे पैसे दिले. त्यामुळे आता फिर्यादी या गेल्या काही दिवसांपासून पैसे परत मागत होत्या. मात्र, तो पैसे देण्यास टाळाटाळ करीत होता. त्यामुळे फिर्यादी या रविवारी आरोपी राहत असलेल्या इमारतीत आल्या व त्याच्याकडे पैसे मागितले.