पिंपरीत ‘स्पा सेंटर’च्या नावाखाली चालू होता वेश्याव्यवसाय ; एका महिलेची सुटका

पिंपरी चिंचवड : पिंपरी-चिंचवड परिसरातील स्पा सेंटरमध्ये सुरु असलेल्या वेश्या व्यवसायाचा पोलिसांनी पर्दाफाश केला आहे. या प्रकरणी वेश्या व्यवसाय चालवणाऱ्या चार जणांवर गुन्हा दाखल करण्यात आला असून एकाला अटक करण्यात आली आहे. तर एका महिलांची सुटका करण्यात आली आहे. ही कारवाई गुन्हे शाखेच्या युनिट दोनच्या पोलिसांनी सोमवारी (दि. 14) दुपारी पिंपरी मंडई येथील सृष्टी स्पा येथे करण्यात आली.

अक्षय शरद भालेराव (वय 23, रा. निगडी गावठाण) असे अटक केलेल्या आरोपीचे नाव आहे. त्याच्यासह राहुल जाधव, वैशाली मॅडल, वैभव यांच्या विरोधात गुन्हा दाखल करण्यात आला आहे. याबाबत पोलीस नाईक जमीद तांबोळी यांनी पिंपरी पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, पिंपरी भाजी मंडई येथे सृष्टी स्पा सेंटर मध्ये स्पा सेंटरच्या नावाखाली वेश्या व्यवसाय सुरू असल्याची माहिती गुन्हे शाखा युनिट दोनच्या पोलिसांना मिळाली. त्यानुसार पोलिसांनी स्पा सेंटरवर छापा मारून कारवाई केली. यामध्ये एका महिलेची सुटका करण्यात आली आहे.

याप्रकरणी चार जणांच्या विरोधात अनैतिक मानवी वाहतूक प्रतिबंधक कायदा 1956 चे कलम 3, 4, 5 प्रमाणे तसेच भारतीय दंड विधान कलम 370 (3) प्रमाणे गुन्हा दाखल करण्यात आला आहे. आरोपी अक्षय याला पोलिसांनी अटक केली आहे. पिंपरी पोलीस तपास करीत आहेत.

0 replies

Leave a Reply

Want to join the discussion?
Feel free to contribute!

Leave a Reply

Your email address will not be published.