किरकोळ वादातून महिलेशी केले गैरवर्तन,पिता-पुत्रावर विनयभंग गुन्हा दाखल

निगडी;भांडणात महिलेशी गैरवर्तन केल्याप्रकरणी पिता-पुत्रावर विनयभंगाचा गुन्हा दाखल करण्यात आला आहे. ही घटना संभाजीनगर, चिंचवड येथे सोमवारी दि. १२ दुपारी घडली.

भाऊसाहेब दशरथ पाटील (वय ४९) आणि अजिंक्य भाऊसाहेब पाटील (वय २२, दोघेही रा.संभाजीनगर, चिंचवड) अशी गुन्हा दाखल झालेल्या पिता-पुत्राचे नावे आहेत. याबाबत पिडित महिलेने निगडी पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, सोमवारी दुपारी चार वाजताच्या सुमारास आरोपी सामाईक भिंतीस रंगकाम करीत होते. त्यावेळी फिर्यादी महिलेने आमच्या बाजूच्या भिंतीस रंग देऊ नका, असे पेंटरला सांगितले. या कारणावरून चिडलेल्या आरोपींनी महिलेशी दादागिरी करून अपशब्द वापरले. आरोपी अजिंक्य याने महिलेकडे पाहून शिट्ट्या मारत गाणी म्हणत विचित्र हावभाव करून त्यांचा विनयभंग केला.सदर प्रकारानंतर आरोपीविरुद्ध विनयभंगाचा गुन्हा दाखल केला आहे

पुढील तपास निगडी पोलीस करीत आहेत.

0 replies

Leave a Reply

Want to join the discussion?
Feel free to contribute!

Leave a Reply

Your email address will not be published.