पिंपरी चिंचवडमध्ये गांजा विकायला आलेल्या दोघांना सापळा रचून अटक

पिंपरी चिंचवड : गांजा बाळगल्याप्रकरणी पिंपरी चिंचवड गुन्हे शाखेच्या अंमली पदार्थ विरोधी पथकाने दोघांना अटक केली आहे. त्यांच्याकडुन 30 किलो गांजा जप्त करण्यात आला आहे. ही कारवाई रविवारी (दि. 21) दुपारी पावणे दोन वाजताच्या सुमारास भुजबळ चौक वाकड येथे करण्यात आली.

बाळू महादेव वाघमारे (वय 31, रा. म्हातोबा नगर झोपडपट्टी, वाकड), रवींद्र प्रकाश घाडगे (वय 23, रा. म्हातोबा नगर झोपडपट्टी, वाकड. मूळ रा. शिरपूर, जि.धुळे) अशी अटक केलेल्या आरोपींची नावे आहेत.याप्रकरणी पोलीस हवालदार प्रदीप शेलार यांनी हिंजवडी पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, भुजबळ चौकात दोघेजण प्रवासी बॅगमध्ये गांजा घेऊन आले असल्याची माहिती पिंपरी चिंचवड गुन्हे शाखेच्या अंमली पदार्थ विरोधी पथकाला मिळाली. त्यानुसार पोलिसांनी भुजबळ चौकात जुना जकात नाका येथून बाळू आणि रवींद्र यांना सापळा लावून ताब्यात घेतले. त्यांच्याकडे असलेल्या प्रवासी बॅगची तपासणी केली असता त्यामध्ये गांजा
आढळून आला. पोलिसांनी दोघांकडून सात लाख 54 हजार 575
रुपये किमतीचा 30 किलो 180 ग्रॅम गांजा जप्त केला. बाळू आणि रवींद्र हे वेगवेगळ्या प्रवासी बॅगमध्ये गांजा आणून त्याची विक्री करत असल्याचे तपासात निष्पन्न झाले आहे. दोघांवर एनडीपीएस ऍक्ट कलम 8 (क),20 (ब) (II) (क), 29 नुसार गुन्हा दाखल करत दोघांना अटक करण्यात आली आहे. पोलीस निरीक्षक देशमुख तपास करीत आहेत.

 

 

0 replies

Leave a Reply

Want to join the discussion?
Feel free to contribute!

Leave a Reply

Your email address will not be published.