महिलेने दिलेल्या शारीरीक व मानसिक त्रासाला कंटाळून एकाची आत्महत्या

पुणे :  महिलेने दिलेल्या शारीरीक व मानसिक त्रासाला कंटाळून एका ४० वर्षाच्या व्यक्तीने स्वत:च्या अंगावर रॉकेल ओतून पेटवून घेऊन आत्महत्या  केली. याप्रकरणी पोलिसांनी एका महिलेविरुद्ध आत्महत्येस प्रवृत्त केल्याचा गुन्हा दाखल करण्यात आला आहे.

दत्तात्रय तानाजी ढावरे (वय ४०, रा. लोहियानगर) असे आत्महत्या केलेल्याचे नाव आहे. याप्रकरणी त्यांच्या पत्नीने खडक पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, फिर्यादी आणि आरोपी हे एकाच ठिकाणी राहण्यास आहे. आरोपी महिलेने फिर्यादी यांचे पती दत्तात्रय ढावरे यांना मानसिक व शारीरीक त्रास दिल्याने तिच्या या नेहमीच्या त्रासाला कंटाळून ढावरे यांनी स्वत:च्या अंगावर रॉकेल ओतून पेटवून  घेतले. गंभीर भाजलेल्या अवस्थेत त्यांच्यावर ससून रुग्णालयात दाखल करण्यात आले होते. तेथे उपचार सुरु असताना त्यांचे २८ नोव्हेंबर रोजी रात्री साडेदहा वाजता निधन झाले. सहायक पोलीस निरीक्षक गोसावी तपास करीत आहेत