पुण्यात ६ कोटींची ऑनलाईन फसवणूक; आरोपीस ७ दिवसांची पोलीस कोठडी

पुणे : शिवाजीनगर परिसरात ऑनलाईन गुंतवणुकीच्या आमिषाने तब्बल ६ कोटी ३० लाख ३५ हजार ५०० रुपयांची फसवणूक केल्याचा प्रकार उघडकीस आला आहे. या प्रकरणी अतुल फक्कड आढळे (वय ६१, रा. नारायण पेठ, पुणे) यांनी फिर्याद दिली आहे.

आरोपी संदीप उर्फ सोनू उर्फ आदित्य अनिल चव्हाण (वय ४०) याला पोलिसांनी अटक केली असून न्यायालयाने २३ फेब्रुवारी ते २८ फेब्रुवारी २०२६ दरम्यान ७ दिवसांची पोलीस कोठडी सुनावली आहे.

गुंतवणुकीवर अधिक परताव्याचे आमिष दाखवत आरोपीने विविध मोबाईल क्रमांकांवरून संपर्क साधून रक्कम वेगवेगळ्या बँक खात्यांमध्ये वर्ग करून घेतल्याचा आरोप आहे. या प्रकरणाचा पुढील तपास आर्थिक गुन्हे शाखेकडून सुरू आहे.