कर्ज देण्याच्या बहाण्याने अडीच लाखांना घातला गंडा, आरोपीविरुद्ध गुन्हा दाखल

वाकड: कर्ज देण्याच्या बहाण्याने बँकेचे कोरे धनादेश घेऊन अडीच लाखांची फसवणूक केली. ही घटना डांगे चौक , वाकड येथे घडली.

अनिल शरद अहिरराव (वय 49, रा. चिखली) यांनी याप्रकरणी वाकड पोलीस ठाण्यात फिर्याद दिली आहे. त्यानुसार बालाजी बळीराम घोडके (वय 32, रा. दौंड), संग्राम यादव (वय 45, रा. कोल्हापूर), बालाजी फायनान्सचे मालक मुजावर (रा. कोल्हापूर) यांच्या विरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, आरोपींनी आपसात संगनमत करून फिर्यादीस कर्ज देण्याच्या बहाण्याने दोन लाख 65 हजार रुपयांची फसवणूक केली. फिर्यादी यांच्याकडून आरोपींनी सात कोरे धनादेश घेतले आहेत. आरोपींनी फिर्यादींप्रमाणे इतर लोकांना देखील कर्ज देण्याच्या बहाण्याने फसवले आहे. वाकड पोलीस तपास करीत आहेत.