ठेकेदार बिल्डरचा हलगर्जीपणा, आणि बांधकाम कामगाराचा मृत्यू

कोंढवा: इमारत बांधकामाचे काम सुरू असताना कोंढवाबांधकाम व्यावसायिक आणि ठेकेदाराने दाखविलेल्या हलगर्जीपणामुळे त्या ठिकाणी काम करणाऱ्या एका कामगाराचा मृत्यू झाला.

पाय स्लीप होऊन बिल्डिंगच्या डकमध्ये पडल्याने कामगाराचा जागीच मृत्यू झाला. कोंढवा येथील टिळेकर नगर परिसरातील एका निर्माणाधिन सोसायटीत ही घटना घडली.

मरिअप्पा मल्लप्पा वनेकरी (वय 30) असे मृत्युमुखी पडलेल्या कामगाराचे नाव आहे. ठेकेदार मुकुंद हनुमंत राय रेड्डी आणि बांधकाम व्यावसायिक राहुल नावंदर यांच्या विरोधात कोंढवा गुन्हा दाखल करण्यात आला आहे. साहेबराव मल्लय्या रामोशी (वय 48) यांनी याप्रकरणी तक्रार दिली आहे. मंगळवारी सकाळी 11:30 च्या सुमारास ही घटना घडली.

पोलीसांनी दिलेल्या माहितीनुसार, मरिअप्पा वनेकरी हा द्वारिकाधाम सोसायटी या निर्माणाधिन इमारतीच्या 11 नंबर या ठिकाणी काम करत होता. काम करत असताना त्याचा पाय घसरला आणि तो बिल्डिंगच्या डकमध्ये कोसळला.

यामध्ये गंभीर दुखापत झाल्याने त्याचा मृत्यू झाला. ठेकेदार आणि बांधकाम व्यावसायिकाने कामगारांच्या जीविताचा दृष्टिकोनातून कसल्याही प्रकारची काळजी न घेता हलगर्जीपणा दाखवल्यामुळे त्यांच्या विरोधात गुन्हा दाखल करण्यात आला आहे. पोलीस उपनिरीक्षक सोनवणे या प्रकरणी अधिक तपास करत आहेत.