तरूणीशी गैरवर्तन करून तरूणीचा विनयभंग करणारा रोडरोमिओ गजाआड

भोसरी: गैरवर्तन करून तरूणीचा पाठलाग करत तिचा विनयभंग करणाऱ्या आरोपीला भोसरी पोलिसांनी अटक केली आहे. हा प्रकार भोसरी ते दिघी दरम्यान घडला.

निलकंठ कलप्पा माने (वय 46 रा. दिघी) असे अटक आरोपीचे नाव असून 24 वर्षीय तरूणीने या प्रकरणी भोसरी पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, फिर्यादी या भोसरी येथून रिक्षाने दिघी येथे येत होत्या. यावेळी आरोपीने रिक्षात असताना गैरवर्तन केले. फिर्यादी रिक्षामधून उतरून जात असतानाही त्याने फिर्यादी यांचा आरोपीने पाठलाग केला. तसेच फिर्यादी यांना अडवून या जगामध्ये मी एकटाच आहे, मला पण लग्न करायचे आहे. लग्नाची बोलणी करायला आलो आहे म्हणत बळजबरी घरात घुसला. यावेळी त्याला अडवणाऱ्या फिर्यादीच्या आजी व आईला मारण्यासाठी अंगावर धावून गेला. यावरून भोसरी पोलिसांनी आरोपीला बेड्या ठोकल्या असून पोलीस पुढिल तपास करत आहेत.