तरुणाच्या डोक्यात दगडाने मारहाण करत लुटले

चिंचवड: घरी जाणाऱ्या तरुणाचे अपहरण करून त्याला मारहाण करत लुटले आहे. हा प्रकार चिंचवड येथील बिजलीनगर येथे एका सोसायटीच्या पार्कींगमध्ये घडला आहे.

हितेश व्यंकटेश साखरे (वय 24 रा. आकुर्डी रेल्वेस्टेशन जवळ) यांनी चिंचवड पोलीस ठाण्यात फिर्याद दिली असून दोन पांढऱ्या मोटारसायकल चालका विरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, फिर्यादी हे पायी घरी जात असताना आरोपी त्यांच्या दुचाकीवरून आले व त्यांनी फिर्यादी यांना गाडीवर बसवून बिजलीनगर येथील एका सोसायटीच्या पार्कींगमध्ये नेले. तेथे त्यांनी फिर्यादीला डोक्यात दगडाने मारून जखमी केले. तसेच, फिर्यादी यांच्या खिशातील बाराशे रुपये जबरदस्ती चोरून नेले. यावरून चिंचवड पोलीस ठाण्यात गुन्हा दाखल केला असून पोलीस पुढिल तपास करत आहेत.