पुण्यातील दोन सराईत गुन्हेगार तडीपार

पुणे : खुनाचा प्रयत्न, दुखापत, चोरी, सोनसाखळी चोरी, विनापरवाना शस्त्र बाळगणे, मालमत्तेचे नुकसान करणे, दहशत निर्माण करणे, मारहाण यासारखे गंभीर गुन्हे दाखल असलेल्या शहरातील दोन सराईत गुन्हेगारांना सोमवारी तडीपार करण्यात आले.
सनी संजय सपकाळ (वय २४, रा. संत गाडगे महाराज वसाहत, कोरेगाव पार्क) आणि मिथुन भरत बिरामणे (वय २५, रा. अष्टविनायक नगर, आंबेगाव पठार, पुणे) अशी तडीपार करण्यात आलेल्या आरोपींची नावे आहेत. या गुंडांच्या गुन्हेगारी कारवायांवर नियंत्रण ठेवण्यासाठी त्यांना तडीपार करण्याचा प्रस्ताव स्थानिक पोलिसांनी पाठवला होता. पोलीस उपायुक्त स्मार्तना पाटील यांनी त्यास मंजुरी दिली.