कीरकोळ कारणावरून वॉचमनसह त्याच्या पत्नीला मारहाण करत गोळीबार,आरोपी गजाआड

पुणे: पुण्यातील थेऊरच्या जय मल्हार हॉटेल जवळ किरकोळ वादातून फायरिंग करण्यात आलीये. प्लॉटिंगच्या वॉचमनने लघवी करणाऱ्या अज्ञात कारमधील टोळक्याला हटकल्यानंतर कार मधील चौघांनी वॉचमन आणि त्याच्या पत्नीला मारहाण करत हवेत फायरिंग केल्याचा धक्कादायक प्रकार घडलाय.

ही घटना पुण्यातील लोणी काळभोर पोलीस स्टेशनच्या हद्दीत घडली आहे. अज्ञातानी दगड आणि हाताने केलेल्या माराहाणीत वॉचमन अक्षय चव्हाण आणि त्याची पत्नी शीतल चव्हाण जखमी झाले आहेत.

वॉचमनने लघवी करणाऱ्या अज्ञात कारमधील टोळक्याला हटकल्याने घडला प्रकार

अधिकची माहिती अशी की, प्लॉटिंगच्या वॉचमनने लघवी करणाऱ्या अज्ञात कारमधील टोळक्याला हटकलं. त्यानंतर संतापलेल्या टोळक्याने वॉचमन अक्षय चव्हाण आणि त्याची पत्नी शीतल चव्हाण यांना जबर मारहाण करत गोळीबार केलाय. मारहाण करणाऱ्या अज्ञात कार चालकासह तिघा जणाला लोणी काळभोर पोलिसांनी ताब्यात घेतलंय. भानुदास शेलार अजय मुंडे आणि सतीश उर्फ नाना शेलार या तिघासह एक जणाला पोलिसांनी ताब्यात घेतलं आहे.