वनराज आंदेकर खुन प्रकरणातील समीर काळेचा भाऊ गणेश काळे याच्यावर गोळ्या झाडून आणि कोयत्याने सपासप वार करून निर्घृण खून

कोंढवा (पुणे) : वनराज आंदेकरच्या खुनासाठी पिस्तुल पुरविणाऱ्याच्या भावाची ‘गेम’; खडी मशीन परिसरात भर दुपारी गोळ्या झाडून आणि कोयत्याने सपासप वार करून केला गणेश काळेचा ‘खात्मा’ कोंढव्यातील खडी मशीन परिसरातील भारत पेट्रोलियम येथे शनिवारी भर दुपारी झालेल्या गोळीबारात एका गुंडाच्या भावाचा खुन करण्यात आला. गणेश काळे (वय ३६, रा. येवलेवाडी) असे खुन झालेल्याचे नाव आहे. गणेश काळे याच्यावर ६ गोळ्या झाडण्यात आल्या पाऊस सुरु असताना भर दुपारी ही घटना घडली.

गणेश काळे हा समीर काळे याचा भाऊ आहे. वनराज आंदेकर याच्या खुन प्रकरणात समीर काळे हा कारागृहात आहे समीर काळे हा सोमा गायकवाड टोळीतील सदस्य आहे. वनराज आंदेकर याच्या खुनात वापरलेली पिस्तुले आणण्याची जबाबदारी समीर काळे याच्यावर सोपविली होती. ही पिस्तुले मध्य प्रदेशातून आणली गेली होती.