पुर्ववैमनस्यातून एकावर कुऱ्हाडीने वार, आरोपीविरुद्ध गुन्हा दाखल

खेड: जुन्या भांडणातून एकाने व्यावसायिकावर कुऱ्हाडीने वार करण्यात आले आहेत. हा प्रकार पवळेवाडी , खेड येथे घडला आहे.

विक्रम शिवाजी पवळे (वय 36 रा.पवळेवाडी) यांनी फिर्याद दिली असून महेश कांताराम पवळे (रा. खेड) याच्यावर गुन्हा दाखल करण्यात आला आहे.

पोलिसांनी दिलेल्या माहितीनुसार, आरोपी हा दारू पिऊन आला व त्याने फिर्यादीला शिवीगाळ करत पाठीच्या सॅकमधून कुऱ्हाड काढून त्याने फिर्यादीच्या हातावर, डोक्यावर वार करत जखमी केले आहे. तसेच फिर्यादीचे मेहुणे व आई-वडिल यांना शिवीगाळ करत तुला सोडणार नाही अशी धमकी देत फिर्यादी .यांच्या भाच्यालाही जखमी केले. यावरून चाकण पोलीस ठाण्यात गुन्हा दाखल करण्यात आला असून पोलीस पुढील तपास करत आहेत.