टँकरचे ब्रेक फेल नव्हतेच; अपघाताचे नेमकं कारण समोर

नवले ब्रिज: पुण्यातील नवले पूलावर रविवारी रात्री भीषण अपघात झाला. एका भरधाव टँकर एकदोन नाही तर तब्बल 48 पेक्षा अधिक वाहनांना धडक दिल्याने खळबळ उडाली.

टँकरचा ब्रेक फेल झाल्याने अपघात झाल्याचं बोललं जात होतं. मात्र तपासादरम्यान मात्र वेगळंच कारण समोर आलं आहे. गाडीचे ब्रेक फेल नव्हतेच मात्र केवळ चालकाच्या मस्तीमुळे हा अपघात झाल्याचे समोर आलं आहे.

चालकाने उतार असल्याने इंजिन बंद केलं होतं आणि गेअर न्यूट्रल करत ट्रक चालवत होता. त्यामुळे ती कंट्रोल होऊ शकली नाही. कंटेनरने तब्बल 48 गाड्यांना धडक दिली आणि हा भीषण अपघात घडला . या अपघातानंतर चालक मणिराम छोटेलाल यादव हा अपघात स्थळावरून फरार झाला असून पोलीस त्याचा शोध घेत आहेत.