दुप्पट पैशाच्या अमिषाने वृद्धाची 33 लाखांची फसवणूक

सहा महिन्यात दाम दुप्पट पैसे देण्याच्या बहाण्याने वृद्धाला पैसे गुंतवण्यास सांगत 33 लाखांची फसवणूक केली. हा प्रकार बावधन येथे घडली.

अंबरनाथ रामभाऊ झरेकर (वय 71, रा. हडपसर) यांनी याप्रकरणी हिंजवडी पोलीस ठाण्यात फिर्याद दिली आहे. त्यानुसार वृषभ राजेंद्र पवार (वय 27), राजेंद्र दुर्गा पवार (वय 53, दोघे रा. बावधन) यांच्या विरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, सहा महिन्यात गुंतवलेले पैसे दुप्पट करून देतो, असे आमिष दाखवून 33 लाख रुपये गुंतवणूक करण्यास भाग पाडले. त्यांना गुंतवलेली रक्कम आणि त्याची दुप्पट रक्कम न देता फसवणूक केली. हिंजवडी पोलीस तपास करीत आहेत.