अंमली पदार्थ विक्री करणाऱ्या दोघांना अटक

कोथरूड: कोथरूड येथून अंमली पदार्थ विक्री करणाऱ्या दोघांना कोथरूड पोलिसांनी अटक केली आहे. ही कारवाई पोलिसांनी हिल व्हू या सोसायटी समोर केली.

पोलिसांना परिसरात दोन जण मेफेड्रोन (एम.डी.) विक्रीसाठी येणार असल्याची खबर मिळाली. त्यानुसार पोलिसांनी सापळा रचून आरोपींना ताब्यात घेतले. रवी मोहनसिंग राठोड उर्फ बिल्ला (वय 36, रा. भुगाव, मुळ राजस्थान) व आदित्य संदिप माण (वय 23, रा. बावधन) अशी अटक आरोपींची नावे आहेत.

पोलिसांनी आरोपींना दुचाकीसह ताब्यात घेतले. त्यांची झडती घेतली असता 6 ग्रॅम 750 मिली ग्रॅम वजनाचे 1 लाख 1 हजार 250 रुपयांचे एमडी जप्त केले. तसेच, 3 मोबाईल 27 हजार 70 हजार रुपयांची बुलेट असा एकूण 1 लाख 98 हजार 205 रुपयांचा मुद्देमाल जप्त केला. पोलिसांनी आरोपींवर कोथरूड पोलीस ठाण्यात एन.डी.पी.एस अॅक्टनुसार गुन्हा दाखल केला आहे.