भीक मागण्याच्या बहाण्याने मोटारचालकाकडील रोकड हिसकावून नेणाऱ्याला पोलिसांनी पकडले

पुणे : प्रादेशिक परिवहन कार्यालयाजवळ चौकात भीक मागण्याच्या बहाण्याने मोटारचालकाकडील रोकड हिसकावून नेणाऱ्याला पोलिसांनी पकडले. त्याच्याकडून अशा प्रकारचे आणखी काही गुन्हे उघडकीस येण्याची शक्यता आहे. एकनाथ मारुती सावंत (वय ३५, रा. वैदुवाडी हडपसर) असे अटक केलेल्या चोरट्याचे नाव आहे. याबाबत एका महिलेने बंडगार्डन पोलीस ठाण्यात फिर्याद दिली आहे.
प्रादेशिक परिवहन कार्यालय चौकातील सिग्नलावर सावंत भीक मागत होता. त्यावेळी एका मोटारचालकाने त्याला दहा रुपये दिले. सावंत याने त्याच्या हातातील ५०० रुपयांची नोट हिसकावून पळ काढला. मोटारचालकाने मदतीसाठी आरडाओरडा केला. सिग्नलवर थांबलेल्या पोलिसांनी पाठलाग करून सावंत याला संगम घाट परिसरात पकडले. सावंत व्यसनाधीन आहे. व्यसनासाठी तो चोऱ्या करत असल्याचे प्राथमिक ढतपासात निष्पन्न झाले आहे. पोलीस उपनिरीक्षक गोरड तपास करत आहेत.