पुणे पोलिसांनी काढली कोयता गँगच्या तरुणांची हलगी वाजवत भर रस्त्यात धिंड

कोयता गँगच्या तरुणांची हलगी वाजवत धिंड काढण्यात आली. कोयता घेऊन दहशत माजवणाऱ्यांची रस्त्यावर पोलिसांनी वरात काढली. त्यांची ही धिंड पाहून अनेक व्यापाऱ्यांना आनंद झाला. जुन्या भांडणाच्या कारणावरून एकाचा खून करण्यासाठी घातक शस्त्र जमा करणाऱ्या एका टोळीला पोलिसांनी अटक केली. हा सगळा प्रकार पुण्यातील कोंढवा भागात घडला. त्या टोळीत पाच जणांचा समावेश असून त्यातील तीन जण अल्पवयीन आहेत.

पोलिसांनी या टोळीतील दोघांना अटक केली असून ज्या ठिकाणी या आरोपींनी दहशत माजवली होती, त्याच ठिकाणी पोलिसांनी त्यांची धिंड काढली. अनवाणी पायाने पोलिसांनी त्यांना संपूर्ण परिसरातून फिरवले. दहशत वाजवणाऱ्या या गुंडांची अशी अवस्था पाहून परिसरातील नागरिकांनी समाधान व्यक्त केले. पुण्यात मागील काही दिवसांपासून कोयता गॅंगने दहशत माजवली आहे. अनेक परिसात या गॅंगने धुमाकूळ घातला अनेक व्यापाऱ्यांच्या दुकानाची तोडफोड करत नुकसान केलं. त्यामुळे या दोन्ही आरोपींची धिंड पाहून व्यापाऱ्यांना आनंद झाला आहे.