विवाहित तरुण आणि त्याच्या पत्नीच्या त्रासामुळे तरुणीची गळफास घेऊन आत्महत्या

पुणे : पत्नीसोबत पटत नसल्याची बतावणी करुन एका तरुणीला जाळ्यात ओढून तिची विवाहित तरुणाने फसवणूक केली. विवाहित तरुण आणि त्याच्या पत्नीच्या त्रासामुळे तरुणीने गळफास घेऊन आत्महत्या केल्याची घटना कात्रज भागातील आंबेगाव बुद्रुक भागात घडली. या प्रकरणी चंदन तेजवाणी आणि त्याची पत्नी लता तेजवाणी (दोघे रा. निगडी) यांच्या विरुद्ध गुन्हा दाखल करण्यात आला आहे. सुरभी सचिन जगताप असे आत्महत्या केलेल्या तरुणीचे नाव आहे. आरोपी चंदन विवाहित आहे.

तीन वर्षांपूर्वी त्याची तरुणीशी ओळख झाली. त्याने तिला प्रेमाच्या जाळ्यात ओढले. माझे पत्नीशी पटत नाही. मी तुझ्याबरोबर विवाह करतो, असे आमिष चंदनने तरुणीला दाखविले. चंदनच्या प्रेमसंबंधाची माहिती लताला समजली. त्यानंतर चंदन आणि त्याची पत्नी लताने सुरभीशी वाद घालून तिला मारहाण केली. फसवणूक तसेच मारहाण करण्यात आल्याने सुरभीने राहत्या घरात गळफास घेऊन आत्महत्या केली. पोलीस उपनिरीक्षक अंकुश कर्चे तपास करत आहेत.