पुणे स्टेशन परिसरात युवकाला बेदम मारहाण करून लुटले

पुणे : पुणे स्टेशन परिसरात युवकाला बेदम मारहाण करून लुटण्यात आल्याची घटना घडली. या प्रकरणी बंडगार्डन पोलिसांनी दोघांना अटक केली.किरण धनराज खरात (वय २८, रा. ताडीवाला रोड) आणि आफताब अयुब शेख (वय २२, रा. लुंबिनीनगर, बंडगार्डन रस्ता) अशी अटक केलेल्यांची नावे आहेत. त्यांच्या बरोबर असलेला साथीदार पसार झाला आहे. याबाबत संदेश अवताडे (वय १८, रा. शिवाजीनगर) याने बंडगार्डन पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, संदेश आणि त्याचा मित्र रात्री पुणे स्टेशन परिसरात फिरायला गेले होते. त्या वेळी तिघांनी संदेशला अडवले आणि गजाने मारहाण केली. त्याच्या मोबाइलमधील बँक ॲपद्वारे ७१० रुपये चोरट्यांनी ऑनलाइन जमा करुन घेतले. पोलीस उपनिरीक्षक धनवडे तपास करत आहेत.