येरवडा पोलीस कडून नशाकारक, गुंगीकारक औषधी गोळया जप्त

पोलीस अंमलदार अमजद शेख व अनिल शिंदे यांना गुप्त
बातमीदारामार्फत बातमी मिळाली की, एक इसम हा राजीव गांधी परिसरात मानवी मनावर परिणाम करणा-या नशाकारक, गुंगीकारक औषधी गोळयांची अवैध्यरित्या विक्री करीत आहे. सदरची बातमी पोलीस उप निरीक्षक अंकुश डोंबाळे यांनी वरिष्ठ पोलीस निरीक्षक यांना कळविले असता वरिष्ठांचे मार्गदर्शनाखाली राजीव गांधीनगर येरवडा येथे पो.उप निरी. अंकुश डोंबाळे, पोलीस अंमलदार अमजद शेख, अनिल शिंदे हे सापळा रचून थांबलेले असताना एक
संशयीत काळे रंगाची पिशवीसह मिळून आल्याने त्याला जागीच पकडले असता त्याने आपले नाव असिफ अकबर शेख वय १९ रा गल्लीनं ७ राजीव गांधीनगर येरवडा पुणे असल्याचे सांगितले. त्याचे अंगझडतीत एक काळे रंगाचे पिशवीमध्ये २२००/- रु. कि. च्या २२ स्ट्रीप्स नशाकारक,
गुंगीकारक औषधी गोळया मिळून आल्या आहेत.
आरोपीस अटक करण्यात आली आहे. सदर गुन्हयाचा
पुढील तपास पोलीस उप निरीक्षक अशोक काटे करत आहेत.