आषाढी एकादशीच्या महापुजेसाठी CM एकनाथ शिंदे पंढरपुरात दाखल

आषाढी एकादशीनिमित्त विठ्ठलाच्या शासकीय महापुजेसाठी मुख्यंमत्री एकनाथ शिंदे हे पंढरपुरमध्ये दाखल झाले आहेत. यावेळी राधाकृष्ण विखे-पाटील हे देखील आहेत. पंढरपुरात दाखल झाल्यानंतर वारकऱ्यांना प्रोत्साहित करण्यासाठी शिंदे आणि विखे यांनी फुगड्याही खेळल्या.

पंढरपूर शहरात पाऊल टाकताच सगळ्यात आधी शहरातील स्वच्छतेच्या सुविधांचा आढावा मुख्यमंत्र्यांनी घेतला. वारकऱ्यांना भेटल्यानंतर त्यांना रस्त्यातील तात्पुरती शौचालये दिसली. तत्काळ त्यांनी गाडीतून उतरत या स्वच्छतागृहांची पाहणी केली. जिल्हा प्रशासनानं कशा पद्धतीनं तयारी केली याची खात्री करूनच ते पुढे शासकीय विश्रामगृहाकडे मार्गस्थ झाले.