चारित्र्याच्या संशयावरून पत्नीवर भर रस्त्यात कुऱ्हाडीचा वार; पत्नी गंभीर जखमी

पुणे: पत्नीच्या चारित्र्यावर संशय घेत तिला ठार मारण्याच्या उद्देशाने तिच्यावर कोयत्याने वार करण्यात आले. या घटनेत पत्नी गंभीर जखमी झाली आहे. पाषाण बाणेर लिंक रस्त्यावरील मॅग्नोलिया सोसायटीजवळ हा प्रकार घडला.

चतु:र्श्रुंगी पोलीस ठाण्यात या प्रकरणी गुन्हा दाखल करण्यात आला आहे.

या घटनेत 38 वर्षीय पत्नी गंभीर जखमी झाली आहे. तर पती विठ्ठल सर्जेराव भोपळे (वय 40) याच्या विरोधात गुन्हा दाखल करण्यात आला आहे. पोलिसांनी त्याला अटक केली आहे.

याप्रकरणी अधिक माहिती अशी की, फिर्यादी आणि आरोपी पती-पत्नी आहेत. आरोपी पती हा फिर्यादीच्या चारित्र्यावर संशय घ्यायचा. या कारणावरून दोघात वाद व्हायचे. दरम्यान बुधवारी रात्री फिर्यादी या बाणेर पाषाण लिंक रस्त्याने जात असताना आरोपीने कुऱ्हाडीने त्यांच्या डोक्यात वार करण्याचा प्रयत्न केला.

मात्र फिर्यादीने तो हाताने अडवला. यात त्यांच्या उजव्या बोटाला जखम झाली. त्यानंतर आरोपीने डाव्या पायावरती देखील कुऱ्हाडीने वार करून जखमी केले आहे. चतु:शृंगी पोलीस अधिक तपास करत आहेत.