कोंढवा भागातील एका ढोल-ताशा पथकात सहभागी झालेल्या अवघ्या 16 वर्षांच्या मुलाचे अपहरण करून क्रूर हत्या

पुणे  : कोंढवा भागातील एका ढोल-ताशा पथकात सहभागी झालेल्या अवघ्या 16 वर्षांच्या मुलाचे अपहरण करून त्याची क्रूर हत्या करण्यात आल्याने संपूर्ण शहर हादरलं आहे. तो मुलगा ढोल पथकाच्या प्रॅक्टिससाठी जात असतानाच त्याचे अपहरण करून त्याचा जीव घेण्यात आल्याचे समजते. त्या अल्पवयीन मुलाने एका टोळीची माहिती , दुसऱ्या प्रतिस्पर्धी टोळीला दिली होती, अस प्राथमिक तपासात समोर आले आहे. या नृशंस गुन्ह्याप्रकरणी पोलिसांनी आत्तापर्यंत दोन संशयितांना ताब्यात घेतलं आहे.
साईराज लोणकर (वय २५) आणि ओमकार काप्रे (वय २५) अशी त्यांची नावे असल्याचे समजते. लोणकर आणि काप्रे हे दोघेही गुन्हेगारी पार्श्वभूमी असलेले आहेत. ताब्यात घेतलेल्या दोन मुलांसह 10 ते 11 जणांवर कोंढवा पोलिसांनी गुन्हा दाखल केला आहे