दहीहंडी पाहत असताना धक्का लागल्याच्या कारणावरून झालेल्या वादातून एका तरुणावर धारदार शस्त्राने वार

पुणे : पुण्यातील विविध परिसरात मोठ्या उत्साहात दहीहंडी पार पडली मात्र काही ठिकाणी दहीहंडी उत्सवाला गालबोल लागलं. दहीहंडी पाहत असताना धक्का लागल्याच्या कारणावरून झालेल्या वादातून एका तरुणावर धारदार शस्त्राने वार करण्यात आले आहे. यात एक तरुण जखमी झाला आहे. ही घटना सिंहगड कॉलेज कॅम्पसमध्ये असलेल्या एमबीएन कॉलेज समोरील सार्वजनिक रस्त्यावर घडली. या प्रकरणी भारती विद्यापीठ पोलिसांनी गुन्हा दाखल केला आहे.

दहीहंडी पाहत असताना धक्का लागल्याने हा सगळा प्रकार घडला. प्रवीण लोंढे असे गुन्हा दाखल झालेल्याचे नाव आहे. याप्रकरणी ध्रुव विश्वास लंकेश्वर याने तक्रार दिली आहे. सिंहगड कॉलेज कॅम्पसमध्ये असलेल्या एनबीएन कॉलेज समोरील सार्वजनिक रस्त्यावर दहीहंडी पाहण्यासाठी गेले होते. त्यानंतर ध्रुव आणि त्याचा मित्र सुजल दहीहंडी उत्सवाचा कार्यक्रम संपल्यानंतर घरी निघाले होते. या दरम्यान रस्त्याने चालत असताना धक्का लागला आणि शिवीगाळ करून मारहाण करायला सुरुवात केली. आरोपीने मारहाण करत थेट धारदार शस्त्राने ध्रुव याच्या बरगडीवर वार करून जखमी केलं आहे.