कोणार्क एक्सप्रेसमध्ये गांजाची तस्करी; पुणे रेल्वे स्थानकावरुन 90 किलो गांजा जप्त

पुणे : पुण्यात एकीकडे ससून ड्रग्ज प्रकरण सुरु असतानाच कस्टम विभागाने पुणे रेल्वे स्टेशनवर मोठी कारवाई केली आहे. पुणे रेल्वे स्थानकावरुन 90 किलो गांजा जप्त केला आहे. या गांजाची किंमत सुमारे 27 लाख रुपये आहे. कोणार्क एक्सप्रेसमध्ये ही कारवाई करण्यात आली आहे. याच एक्सप्रेसमधून हा गांजा जप्त करण्यात आला आहे
ओडीसावरून पुण्याकडे येणाऱ्या कोणार्क एक्सप्रेसमध्ये गांजाची तस्करी सुरु असल्याचं समोर आलं आहे. या प्रकरणी पुणे कस्टम विभागाकडून दोन आरोपींनादेखील अटक करण्यात आली आहे. या एक्सप्रेसमधून गांजाची तस्करी सुरु असल्याची माहिती कस्टम विभागाला मिळाली होती. त्यांनी पुणे स्टेशनवर सापळा रचला होता. त्यानुसार कोणार्क एक्सप्रेस पुण्यात दाखल होताच कस्टम विभागाने धडाधड कारवाईला सुरुवात केली. यात तब्बल 27 लाख रुपयांचा गांजा जप्त केला