नात्याला काळीमा फासणारी घटना बदनामी करण्याची धमकी देऊन चुलतीवर लैंगिक अत्याचार

पुणे : नात्याला काळीमा फासणारी घटना पुण्यात घडली आहे. बदनामी करण्याची धमकी देऊन पुतण्याने चुलतीवर वारंवार लैंगिक अत्याचार केले आहे. याप्रकरणी पुतण्यावर पर्वती पोलीस ठाण्यात गुन्हा दाखल केला आहे. हा प्रकार एप्रील 2016 ते डिसेंबर 2019 दरम्यान कसबा पेठेत घडला आहे.
याबाबत 37 वर्षाच्या महिलेने गुरुवारी  पर्वती पोलीस ठाण्यात फिर्याद दिली आहे. त्यानुसार पुतण्याविरुद्ध गुन्हा दाखल केला आहे.

पोलिसांनी दिलेल्या माहितीनुसार, आरोपी हा फिर्यादी यांचा पुतण्या आहे. त्याने फिर्यादी यांच्यासोबत लगट करण्याचा
प्रयत्न केला असता त्या ओरडल्या. त्यावेळी आरोपीने मी तुझ्या मुलींना व नवऱ्याला तसेच सगळ्यांना सांगेन की तूच
मला वरती बोलावून घेतले. फिर्यादी यांना बदनामी करण्याची धमकी देऊन त्यांच्या सोबत जबरदस्तीने शारीरिक सबंध प्रस्थापित केले. तसेच त्यांच्याकडून वारंवार पैसे उकळले. आरोपीकडून होत असलेल्या त्रासाला कंटाळून महिलेने गुरुवारी पर्वती पोलीस ठाण्यात तक्रार दिली. पुढील तपास पोलीस उपनिरीक्षक मुळीक करीत आहेत