जुन्या वादाच्या कारणावरुन तरुणावर कोयत्याने वार

पिंपरी : जुन्या वादाच्या कारणावरुन चार जणांनी एका तरुणावर कोयत्याने वार करुन गंभीर जखमी केले. यावेळी जीव वाचवण्यासाठी पळालेल्या तरुणाचा पाठलाग करुन आज तुला सोडत नसतो अशी धमकी दिली. हा प्रकार मंगळवारी (दि.20) रात्री साडेदहा वाजण्याच्या सुमारास रहाटणी येथील श्रीनगर येथे घडली आहे. याप्रकरणी वाकड पोलिसांनी तिघांना अटक केली आहे.

याबाबत आकाश सोमनाथ गोडेपाटील (वय-27 रा. श्रीनगर, रहाटणी) याने वाकड पोलीस ठाण्यात फिर्य़ाद दिली आहे. यावरून आदित्य अहिरराव (रा. तापकीरनगर, काळेवाडी), प्रेम तरडे, प्रतिक माने (रा. श्रीनगर, थेरगाव) यांना अटक केली आहे. तर त्यांच्या साथीदारावर आयपीसी 308, 323, 506, 34 सह आर्म अॅक्ट व महाराष्ट्र पोलीस कायद्यांतर्गत गुन्हा दाखल केला आहे
पोलिसांनी दिलेल्या माहितीनुसार, फिर्यादी आकाश आणि आदित्य यांच्यात पूर्वी बाचाबाची झाली होती.
याचा राग आरोपीच्या मनात होता. मंगळवारी रात्री आरोपींनी संगनमत करुन आकाश याला रहाटणी येथील ग्रेट
पंजाब हॉटेलजवळ गाठले. त्याला लाथाबुक्क्यांनी मारहाण केली.
आरोपी प्रतिक माने याने त्याच्याकडे असलेल्या कोयत्याने वार केला.त्यानंतर इतरांनी कोयत्याने वार करुन जीवे मारण्याचा प्रयत्न केला.
त्यावेळी फिर्यादी यांनी कोयत्याचा वार चुकवून स्वत:चा जीव वाचवण्यासाठी पळून गेले. नंतर चार जणांनी आकाश याचा पाठलाग केला. आज तुला सोडत नसतो, अशी धमकी दिली. पुढील तपास सहायक पोलीस गायकवाड करीत आहेत