औंध परिसरात पादचाऱ्याची सोनसाखळी चोरी, आरोपीविरुद्ध गुन्हा दाखल

औंध: दुचाकीस्वार चोरट्यांनी पादचाऱ्याकडील सोनसाखळी हिसकावून नेल्याची घटना औंध परिसरात घडली. याप्रकरणी दुचाकीस्वार चोरट्यांविरुद्ध चतु:शृंगी पोलिसांनी गुन्हा दाखल केला.

याबाबत औंधमधील एका ५२ वर्षीय व्यक्तीने चतु:शृंगी पोलिस ठाण्यात फिर्याद दिली आहे. ते शुक्रवारी (ता. ३) रात्री साडेनऊ वाजण्याच्या सुमारास औंधमधील नागरस रस्त्याने निघाले होते.

त्यावेळी सायली गार्डन सोसायटीसमोर दुचाकीवर आलेल्या चोरट्यांनी त्यांची सोनसाखळी हिसकावून नेली. पुढील तपास सहाय्यक निरीक्षक नरेंद्र पाटील करीत आहेत. शहरात सोनसाखळी आणि मोबाईल चोरीच्या घटना पुन्हा वाढत आहेत.