अनधिकृत पत्राशेडवर डुडुळगाव येथे धडक कारवाई

चऱ्होली: ई क्षेत्रीय कार्यालयांतर्गत प्रभाग क्र. तीन, डुडुळगाव येथील अनधिकृत पत्राशेड बांधकामावर अंदाजे ६१६८ चौरस फूट क्षेत्रफळ असलेल्या बांधकामावर निष्कासनाची कारवाई करण्यात आली.

पिंपरी-चिंचवड महापालिकेच्या बांधकाम परवानगी व अनधिकृत बांधकाम नियंत्रण विभाग आणि ई क्षेत्रीय धडक कारवाई पथकामार्फत ही निष्कासनाची कारवाई करण्यात आली. शहर अभियंता मकरंद निकम यांच्या मार्गदर्शनाखाली क्षेत्रीय अधिकारी राजेश आगळे यांनी कार्यकारी अभियंता सूर्यकांत मोहिते, उपअभियंता राजेश जगताप, कनिष्ठ अभियंता संदीप वैद्य यांच्या आधिपत्याखाली महापालिका अतिक्रमण धडक पथक, तीन बीट निरीक्षक, २३ महाराष्ट्र सुरक्षा दलाचे जवान, एक पोलिस उपनिरीक्षक, पाच पुरुष पोलिस, चार महिला पोलिस, पाच मजूर यांच्या उपस्थितीत दोन जेसीबी यंत्रासह निष्कासनाची कारवाई करण्यात आली.