हिंदुस्तान पेट्रोलियमच्या समोर असलेले अमित बिर्याणी हॉटेलला आग, मोठी दुर्घटना टळली रात्री गॅस सिलेंडरचा भीषण स्फोट

लोणी काळभोर : पुणे-सोलापूर महामार्गावरील कदमवाकवस्ती (ता. हवेली) येथील कृष्णा लॉजजवळील ‘अमित बिर्याणी’ हॉटेलमध्ये मंगळवारी (दि.१७) रात्री गॅस सिलेंडरचा भीषण स्फोट होऊन हॉटेल आगीत पूर्णपणे खाक झाले. गॅस गळतीमुळे ही दुर्घटना घडली असून, सुदैवाने कोणतीही जीवितहानी झाली नाही. अग्निशमन दलाने आग आटोक्यात आणली असली तरी लाखो रुपयांचे नुकसान झाले आहे.

पुणे सोलापूर महामार्गांवर संभाजीनगर परिसरात अमित बिर्याणी हॉटेल आहे. मंगळवारी रात्री हॉटेलच्या किचनमध्ये सिलेंडर गळती होऊन मोठी आग लागली. या आगीने भयंकार रूप धारण केले होते हॉटेल मधील गिऱ्हाईक व कर्मचारी यांनी त्वरित बाहेर पळ काढून आरडाओरडा केल्यावर आजूबाजूच्या व्यवसायिकांनी आपआपले दुकानें व हॉटेल बंद केली व आग विजवण्याचा प्रयत्न केला. यावेळी हॉटेलमध्ये दोन सिलेंडरचा स्फोट झाल्याने आगीचा भडका झाला. कदमवाकवस्ती, लोणी काळभोर परिसरात आग विजविण्यासाठी कोणतीही व्यवस्था नसल्याने आग विजविण्यासाठी हडपसर, वाघोली व वानवडी विभागातून अग्निशमन दलाच्या गाड्या बोलावल्या.त्यांना पोहचायला अर्धा तास वेळ लागला त्या आल्यानंतर आग आटोक्यात आली परंतु आगीत हॉटेल मधील सर्व फर्निचर, साहित्य जळून खाक झाले. लोणी काळभोर पोलिसांनी देखील त्वरित पोहचून आग विजविण्याचा प्रयत्न केला.

पूर्व हवेली मधील सर्व हॉटेलचे ऑडिट होणे व त्या हॉटेलचे व्यवसाय परवाने, आहेत की नाहीत, अण्णा औषध फूड ड्रग्स ऑफिसरने, अशा सर्व हॉटेलची तपासणी करून ऑडिट करणे गरजेचे आहे, असे स्थानिक घटनास्थळी उपस्थित नागरिकांनी सांगितले.

लोणी काळभोर, कदमवाकवस्ती या परिसरात लोकसंख्या मोठी असून अग्निशमन विभाग हडपसर येथे असून मोठी आग लागण्यावर त्यांना येण्यासाठी अर्धा ते एक तास लागतो त्यामुळे या परिसरासाठी अग्निशमन दलाची व्यवस्था व्हावी अशी मागणी होत आहे.