आवाजवी दराने कर्ज देणाऱ्या सावकारावर गुन्हा दाखल

पुणे: अवाजवी दराने कर्ज देणाऱ्या सावकारावर पोलिसांनी गुन्हा दाखल केला आहे. ही कारवाई खंडणी विरोधी पथक दोन यांनी केली आहे.

संबंधीत सावकार हा दिवसाला 15 हजार रुपये दंड व 10 टक्के असे मुघली स्वरूपाच्या व्याजदराने कर्ज देत असे. प्रसाद किसन कुतळ (वय 45 रा.रास्ता पेठ) असे गुन्हा दाखल झालेल्या सावकाराचे नाव आहे.

पोलिसांनी दिलेल्या माहितीनुसार, तक्रारदाराने कुतळ यांच्याकडून गरजेपोटी 5 लाख रुपये 10 टक्के व्याजदराने घेतले होते. त्याची परतफेड म्हणून कर्जदाराने 5 लाख 95 हजार रुपये दिले देखील. मात्र सावकाराने 15 हजार रुपये प्रतिदिन दंड असे एकूण 18 लाख 10 हजार रुपयांची अवाजवी रक्कम मागीतली. त्यामुळे तक्रारदाराने थेट पोलीसात धाव घेत सावकाराविरोधात तक्रार दिली. त्यानुसार पोलिसांनी लष्कर पोलीस ठाण्यात गुन्हा दाखल केला असून पोलीस पुढील तपास करत आहेत.