मित्रांच्या मदतीने एकावर जीवघेणा हल्ला; लिव्ह इन रिलेशनशिपमध्ये राहण पडल महागात

पिंपरी चिंचवड: नातेवाईक महिलेसोबत लिव्ह इन रिलेशनशिपमध्ये राहणाऱ्या व्यक्तीवर एका तरुणाने त्याच्या चार ते पाच साथीदारांच्या मदतीने मिळून कोयत्याने वार केले आहे. ही धक्कादायक घटना भोसरी पोलीस स्टेशन हद्दीतील लांडगेनगर येथे घडली आहे.

या प्रकरणी पोलिसात तक्रार दाखल करण्यात आली असून पोलिसात गुन्हा दाखल करण्यात आला आहे.

भोसरी पोलीस स्टेशन हद्दीतील लांडगेनगर परिसरात घडलेल्या घटनेत भोसरीतील देवकरवस्ती येथील ४० वर्षीय व्यक्ती गंभीर जखमी झाला आहे. दरम्यान फिर्यादी हा संशयित आरोपीच्या नातेवाईक महिलेसोबत लिव्ह इन रिलेशनशिपमध्ये राहतात. याचा मनात राग असल्याच्या कारणावरून त्याने त्याच्या साथीदाराच्या मदतीने फिर्यादीवर कोयत्याने वार करत जिवे ठार मारण्याचा प्रयत्न केला आहे.

दरम्यान घटनेत सदर इसम गंभीर जखमी झाला असून त्याला उपचारासाठी रुग्णालयात दाखल करण्यात आले आहे. तर या प्रकरणी पोलिसात तक्रार देण्यात आली असून भोसरी पोलिसांनी थेरगाव येथील २१ वर्षीय तरुणाला अटक केली आहे. तर त्याच्यासह त्याच्या चार ते पाच साथीदारांवर गुन्हा दाखल केला आहे. या प्रकरणी पोलीस पुढील तपास करत आहेत.