चाकण मध्ये गांजा जप्त,आरोपी महिला गजाआड

चाकण: चाकणमधील पानसरे मळा येथे अमली पदार्थ विरोधी पथकाने एका महिलेला गांजा विक्री केल्या प्रकरणी अटक करण्यात आली. ही कारवाई गुरुवारी (२३ जानेवारी) दुपारी करण्यात आली. महिलेकडून ८८६ ग्रॅम गांजा जप्त केला आहे.

पोलीस अंमलदार निखिल वर्पे यांनी चाकण पोलीस ठाण्यात फिर्याद दिली आहे. त्यानुसार पानसरे मळा चाकण येथे राहणाऱ्या ४५ वर्षीय महिलेला अटक करण्यात आली आहे.पोलिसांनी दिलेल्या माहितीनुसार, आरोपी महिलेने विक्रीसाठी गांजा स्वतःकडे बाळगला. याबाबत माहिती मिळाल्यानंतर पोलिसांनी महिलेच्या घरी कारवाई करत ४४ हजार ३०० रुपये किमतीचा ८८६ ग्रॅम वजनाचा गांजा जप्त केला आहे.