जमीन बळकविल्याप्रकरणी पिरंगुटमधील एकावर गुन्हा दाखल

पुणे: कासार आंबोली (ता. मुळशी) येथील जमीन व घर बळकविल्याप्रकरणी एकावर अॅट्रोसिटी अंतर्गत गुन्हा दाखल केला आहे.

पौड पोलिसांनी दिलेल्या माहितीनुसार, कासार आंबोली येथील गट नं ५७६ ही जमिन मिळकत व त्यावरील घर मिळकत बळकविल्याप्रकरणी मनीष उत्तम गोळे (रा.पिरंगुट, ता. मुळशी) याच्यावर अॅट्रोसिटी कायद्याअंतर्गत, तसेच विविध फौजदारी कलमाअंतर्गत गुन्हा दाखल झाला आहे.

या प्रकरणी जमीन मालक आशिष संजीव केदारी यांनी पौड पोलिस ठाण्यात फिर्याद दाखल केली आहे. या गुन्ह्यातील आरोपी मनीष गोळे हा फरारी झाला आहे. या गुन्ह्याचा तपास उपविभागीय पोलिस अधिकारी सुनीलकुमार पुजारी यांच्या मार्गदर्शनाखाली पौड पोलिस करीत आहेत.