रेकॉर्डवरील गुन्हेगार भाजी विक्रेत्याकडून गावठी पिस्टल, 2 जिवंत काडतुसे जप्त

पुणे : रेकॉर्डवरील गुन्हेगार गावठी पिस्टल घेऊन फिरत असल्याची मिळालेल्या माहितीवरुन गुन्हे शाखेच्या युनिट ३ च्या पथकाने एक गावठी पिस्टल व ३ जिवंत काडतुसे जप्त केली आहे. गणेश सतिश रणखांब (वय ३५, रा.

शास्त्रीनगर, कोथरुड) असे या गुन्हेगाराचे नाव आहे. गणेश रणखांब हा भाजी विक्रेता असला तरी त्याच्यावर अनेक गुन्हे दाखल आहेत. कोथरुडमध्ये २०१३ मध्ये खुन तसेच २०१७ मध्ये खुनाचा प्रयत्न करणे आणि हाणामारी करणे असे ३ गुन्हे दाखल आहेत. तसेच डेक्कन जिमखाना येथील नदीपात्रातील चौपाटीवर एका हॉटेल मालकाला बेदम मारहाण केल्याप्रकरणी डेक्कन पोलिसांनी गणेश रणखांब याच्यासह तिघांना अटक केली होती