गुलटेकडी मार्केटयार्ड अडते असोसिएशन निवडणुकीत ८०१ मतदार मतदानाचा हक्क बजावणार

प्रतिनिधी : सचिन गाडे

पुणे: गुलटेकडी येथील श्री छत्रपती शिवाजी मार्केटयार्ड अडते असोसिएशनच्या निवडणुकीत यंदा एकूण ८०१ मतदार मतदानाचा हक्क बजावणार आहेत. याबाबत अंतिम मतदार यादी प्रसिद्ध करण्यात आली असल्याची माहिती निवडणूक निर्णय अधिकारी अॅड. तानाजी मांगले यांनी दिली.

या प्रक्रियेदरम्यान सहाय्यक निवडणूक निर्णय अधिकारी संतोष धारणे उपस्थित होते. प्रारूप मतदार यादी ९ एप्रिल रोजी प्रसिद्ध करण्यात आली होती. त्यावर आलेल्या आक्षेपांनंतर संबंधित हरकतींवर सुनावणी घेऊन अंतिम यादी जाहीर करण्यात आली आहे.

या निवडणुकीत ३ मतदारांना संस्थेची वर्गणी न भरल्यामुळे अपात्र ठरविण्यात आले आहे. १५ एप्रिलपासून निवडणूक प्रक्रिया सुरू झाली असून, ३० एप्रिल रोजी मतदान होणार आहे. त्याच दिवशी निकाल जाहीर करण्यात येणार असल्याची माहिती अधिकाऱ्यांनी दिली.