पुणे कृषी उत्पन्न बाजार समितीच्या उपसभापतीपदी मनीषा हरपळे यांची बिनविरोध निवड

प्रतिनिधी : सचिन गाडे
पुणे : कृषी उत्पन्न बाजार समिती, पुणे येथील उपसभापतीपदी मनीषा हरपळे यांची गुरुवारी (दि. 23) बिनविरोध निवड करण्यात आली. या निवडीची अधिकृत घोषणा उपनिबंधक प्रकाश जगताप यांनी केली.
उपसभापतीपदाचा कार्यकाळ पूर्ण झाल्याने शशिकांत गायकवाड यांनी आपल्या पदाचा राजीनामा दिला होता. त्यानंतर रिक्त झालेल्या या पदासाठी मनीषा हरपळे यांची एकमताने निवड करण्यात आली.
या वेळी सभापती प्रकाश जगताप, माजी सभापती दिलीप काळभोर, रोहिदास उंदरे, राजाराम कांचन, गणेश घुले, प्रशांत काळभोर, नितीन दांगट, दत्तात्रेय पायगुडे, लक्ष्मण केसकर, सारिका हरपळे, रामकृष्ण सातव, सुदर्शन चौधरी, रविंद्र कंद आदी मान्यवर उपस्थित होते.