तरुणावर तीक्ष्ण शस्त्राने हल्ला; दोघे अटकेत

प्रतिनिधी : सचिन गाडे

पुणे : वैमनस्यातून एका तरुणावर तीक्ष्ण शस्त्राने हल्ला केल्याची घटना हडपसर परिसरातील रामटेकडी येथे घडली आहे. या प्रकरणी वानवडी पोलिसांनी दोन आरोपींना अटक केली आहे.

मिळालेल्या माहितीनुसार, मीरा धनंजय पवार (वय ४१, रा. रामटेकडी, हडपसर) यांनी वानवडी पोलीस ठाण्यात फिर्याद दिली. त्यानुसार, सचिन रावसाहेब शिरसाठ (वय ३०, रा. रामटेकडी) आणि संदेश मांडारकर (वय २४, रा. गंगानगर, हडपसर) यांनी तरुणावर तीक्ष्ण शस्त्राने वार केला.
या घटनेत त्यांच्या सोबत असलेल्या अल्पवयीन साथीदाराविरुद्धही गुन्हा दाखल करण्यात आला आहे. घटनेमागील कारणांचा तपास सुरू असून, पोलीस उपनिरीक्षक मोकाटे पुढील तपास करत आहेत.