अल्पवयीन युवकांच्या दुचाकी रायडींग विरोधात इंनोवेरा स्कुलच्यावतीने प्रभात फेरी काढून जनजागृती

या प्रभात फेरीची सुरुवात लोणी काळभोर बाजारपेठेपासून करण्यात आली. पोलीस स्टेशन, खोकलाई मंदिर, विठ्ठल मंदिर, पालखीतळ, संभाजीनगर असा प्रभात फेरीचा मार्ग होता. यावेळी लोणी काळभोर पोलीस चौकीचे पोलीस उपनिरीक्षक तरटे यांनी प्रभात फेरीमध्ये सहभाग नोंदवला. १८ वर्षाखालील मुला मुलींना वाहन चालवण्यास पालकांनी परवानगी दिल्यामुळे अनेक अपघात होताना दिसत आहे. मागील आठवड्यात लोणी काळभोर व कदम वाकवस्ती गावालगत असलेल्या सोलापूर हायवे ला दोन भीषण अपघात झाले यामध्ये तीन शाळकरी विद्यार्थ्यांना आपला जीव गमवावा लागला. सदरच्या घटना टाळण्यासाठी पालकांनी १८ वर्षाखालील मुलांना वाहन चालवण्यास अनुमती देऊ नये, असा या प्रभात फेरीचा मुख्य हेतू होता. प्रभात फेरीत सहभागी झालेल्या विद्यार्थ्यांनी पथनाट्य सादर केले. यातून समाज जागृती करून वाहन चालवताना कोणती काळजी व नियम पाळावे हे सांगण्यात आले. यावेळी इनोवेरा स्कूलचे सर्व शिक्षक रुंद शिक्षकेतर कर्मचारी पोलीस चौकीचे अधिकारी यांचा समावेश होता