किरकोळ वादातून वॉचमन वर केले कोयत्याने वार, आरोपीविरुद्ध गुन्हा दाखल

दिघी: सुरक्षारक्षकाने सोसायटी गेट बाहेर काढले म्हणून सुरक्षारक्षकावर कोयत्याने वार करत जखमी केल्याची घटना चऱ्होली येथील लॉंग आईसलँड बिल्डींगच्या परिसरात घडली.

याप्रकरणी परमेश्वर शिवदासराव भोसरीकर (वय 30 रा.लोहगाव) यांनी दिघी पोलीस ठाण्यात फिर्याद दिली असून आकाश शर्मा (वय 24 ) व त्याचे दोन साथीदार यांच्यावर गुन्हा दाखल करण्यात आला आहे.

पोलिसांनी दिलेल्या माहितीनुसार, फिर्यादी व त्यांचे सहकारी शुभम नागोराव कदम (वय 24) हे लॉंग आईसलँड सोसायटीचा वॉचमन म्हणून काम करतात. ते ड्यूटी करत असताना आरोपी दुचाकीवरून आले. त्यांनी सोसायटीचे गेट बंद असताना ते तोडून सोसायटीमध्ये प्रवेश केला. यावेळी फिर्यादी यांनी त्यांना बाहेर काढले. याचा राग मनात धरून आरोपी व त्याच्या साथीदारांनी फिर्यादी व त्यांच्या सहकाऱ्याला कोयत्याने व हाताने मारहाण करत जिवे मारण्याचा प्रयत्न केला. यावरून दिघी पोलीस ठाण्यात गुन्हा दाखल कऱण्यात आला असून पोलीस पुढिल तपास करत आहेत.