चोरट्यांचा धुमाकुळ, तीन मोबाईल व दुचाकी लंपास

हिंजवडी: खोलीतून चोरट्याने तीन मोबाईल फोन आणि पार्किंग मधून दुचाकी चोरून नेली. ही घटना श्रीराम चौक, मारुंजी रोड, हिंजवडी येथे घडली.

रणजित रवींद्र भोसले (वय 22, रा. श्रीराम चौक, मारुंजी रोड, हिंजवडी) यांनी याप्रकरणी हिंजवडी पोलीस ठाण्यात फिर्याद दिली आहे. त्यानुसार एका अनोळखी चोरट्याच्या विरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, फिर्यादी यांच्या खोलीतून एका अनोळखी चोरट्याने 50 हजारांचे तीन मोबाईल फोन आणि एक दुचाकी चोरून नेले. ही घटना गुरुवारी सकाळी साडेआठ वाजताच्या सुमारास घडली. चोरट्याने ही चोरी अवघ्या सहा मिनिटात केली आहे.

हिंजवडी पोलीस तपास करीत आहेत.