एक दुखवलेला बाप, उद्धव ठाकरे यांनी मुख्यमंत्र्यांच्या नातवावरील वक्तव्याचे पुण्यातही पडसाद

पुणे: माजी मुख्यमंत्री उद्धव ठाकरे यांनी मुख्यमंत्री एकनाथ शिंदे यांच्या नातवावरील वक्तव्याचे पुण्यातही पडसाद उमटले. खासदार श्रीकांत शिंदे यांनी ठाकरेंना लिहिलेल्या पत्राचे पुण्यातही होर्डिंग्ज लावण्यात आले.

पुण्यात युवा सेनेकडून बालगंधर्व चौकात हे होर्डिंग्ज लावण्यात आले. पत्राच्या मजकूराचा होर्डिंग्जमध्ये उल्लेख करण्यात आला आहे. मुंबईतील दसरा मेळाव्यात उद्धव ठाकरे यांनी शिंदे यांच्या नातवावर टीका केली होती. त्याची खमंग चर्चा सुरू आहे. त्यासंदर्भात ठाकरे यांना पत्र पाठविण्यात आले आहे.

त्यामध्ये शिंदे यांनी निरागस बाळाला ओढल्याने नाराजी व्यक्त केली आहे. यंदाचा दसरा प्रथमच दोन गटांत साजरा करण्यात आला. या दोन्ही गटांनी मुंबईत जोरदार शक्तिप्रदर्शन केले.