गुलटेकडी मार्केट यार्डात अल्पवयीन मुलीशी गैरवर्तन; आरोपी हमाल पोलिसांच्या ताब्यात

प्रतिनिधी : सचिन गाडे

पुणे : पुण्यातील गुलटेकडी येथील मार्केट यार्ड आवारातील फळबाग विभागात खरेदीसाठी वडिलांसोबत आलेल्या 14 वर्षीय अल्पवयीन मुलीची छेडछाड केल्याची घटना घडली. या प्रकरणात एका हमालाला नागरिकांनी पकडून चांगलाच धडा शिकवला.

मिळालेल्या माहितीनुसार, संबंधित व्यक्ती मूळ बिहार राज्यातील असून तो मार्केट यार्ड परिसरात हमालीचे काम करतो. मुलीची छेडछाड करत असताना ही बाब तिच्या वडिलांच्या लक्षात आली. त्यानंतर संतप्त वडिलांसह तेथील नागरिकांनी त्या व्यक्तीला पकडून बेदम मारहाण केली.

दरम्यान, मार्केट यार्डच्या सुरक्षारक्षकांनी मध्यस्थी करत परिस्थिती नियंत्रणात आणली आणि संबंधित व्यक्तीला मार्केट यार्ड पोलिसांच्या ताब्यात दिले. सध्या पोलिसांकडून पुढील चौकशी सुरू आहे.