भंगार व्यावसायिकाकडे खंडणी मागणाऱ्या त्रिकुटांवर गुन्हा दाखल

म्हाळुंगे: भंगार व्यावसायिकाला खंडणी मागितल्याप्रकरणी तिघांच्या विरोधात गुन्हा दाखल करण्यात आला आहे. ही घटना निघोजे येथील शारदा मोटर्स या कंपनीत घडली.

अब्दुलरब अदिलसुल्ला शाह (वय 35, रा. चिखली) यांनी याप्रकरणी महाळुंगे पोलीस चौकीत फिर्याद दिली आहे. त्यानुसार दिगंबर मोहिते, राणा दौंडकर (रा. शेलपिंपळगाव, ता. खेड) आणि एका अनोळखी व्यक्तीच्या विरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, फिर्यादी हे भंगार व्यावसायिक आहेत. ते निघोजे येथील शारदा मोटर्स या कंपनीतील भंगार मटेरियल खरेदी करतात. कंपनीतून भंगार उचलण्यासाठी आरोपींनी फिर्यादीकडे प्रत्येक महिन्याला 15 हजार रुपये हप्ता देण्याची मागणी केली. तसेच, फिर्यादी यांच्या ट्रकवरील चालक प्रकाश लेबर हयात समशुल इस्लम शहा व बरकतअली जवाहरअली शहा यांना शिवीगाळ करून लाकडी दांडक्याने व लाथाबुक्क्याने मारहाण करून जखमी केले. म्हाळुंगे पोलीस तपास करीत आहेत.