आई घरी नसल्याचा गैरफायदा घेऊन, अल्पवयीन मुलीचा अश्लील चाळे करत विनयभंग

चिखली: मानलेल्या भावाने महिलेच्या घरी जाऊन तिच्या दहा वर्षीय मुलीसोबत अश्लील चाळे करत तिचा विनयभंग केला. हा प्रकार कुदळवाडी ,चिखली येथे घडला.

करीम भरभुय्या (वय 43 , रा. हरगुडे वस्ती, चिखली) असे गुन्हा दाखल झालेल्या आरोपीचे नाव आहे. याप्रकरणी पीडित दहा वर्षीय मुलीच्या आईने चिखली पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, फिर्यादी यांनी आरोपीला भाऊ मानले आहे. त्या 1 ऑक्टोबर रोजी घाटकोपर मुंबई येथे सरकारी दवाखान्यात उपचारासाठी गेल्या होत्या. त्या घरी नसल्याचा गैरफायदा घेऊन आरोपीने फिर्यादी यांच्या मुलीला मध्यरात्री दोन वाजताच्या सुमारास झोपेतून उठवले आणि तिच्याशी अश्लील चाळे करून तिचा विनयभंग केला.

चिखली पोलीस तपास करीत आहेत.