शस्त्र बाळगल्या प्रकरणी तरुणास अटक, शस्त्र विरोधी पथकाची कामगिरी

चिखली: शस्त्र बाळगल्या प्रकरणी शस्त्र विरोधी पथकाने एका तरुणाला अटक केली आहे.ही कारवाई रामदास नगर चिखली येथे करण्यात आली.

किरण राजू राठोड (वय 23, रा. रामदास नगर, चिखली) असे अटक केलेल्या आरोपीचे नाव आहे.

पोलिसांनी दिलेल्या माहितीनुसार, आरोपीने त्याच्या ताब्यात कोयता बाळगला असल्याची माहिती शस्त्र विरोधी पथकाला मिळाली. त्यानुसार पोलिसांनी सापळा लावून त्याला ताब्यात घेतले. त्याच्याकडून 200 रुपये किमतीचा एक कोयता पोलिसांनी जप्त केला आहे. चिखली पोलीस तपास करीत आहेत.